Crossword-Solution: TOUN 4 letters, 1 clue 🏆 scrabble score: 4

Now fil it so, that in the toun ther was Dwellinge a lord of greet auctoritee, 65 A gret devyn that cleped was Calkas, That in science so expert was, that he Knew wel that Troye sholde destroyed be, By answere of his god, that highte thus, Daun Phebus or Apollo Delphicus.

The noyse up roos, whan it was first aspyed, 85 Thorugh al the toun, and generally was spoken, That Calkas traytor fled was, and allyed With hem of Grece; and casten to ben wroken On him that falsly hadde his feith so broken; And seyden, he and al his kin at ones 90 Ben worthy for to brennen, fel and bones.

This Troilus, as he was wont to gyde His yonge knightes, ladde hem up and doun In thilke large temple on every syde, 185 Biholding ay the ladyes of the toun, Now here, now there, for no devocioun Hadde he to noon, to reven him his reste, But gan to preyse and lakken whom him leste.

But for non hate he to the Grekes hadde, Ne also for the rescous of the toun, Ne made him thus in armes for to madde, But only, lo, for this conclusioun, 480 To lyken hir the bet for his renoun; Fro day to day in armes so he spedde, That alle the Grekes as the deeth him dredde.

And whan that he com rydinge in-to toun, Ful ofte his lady, from hir window doun, As fresh as faucon comen out of muwe, Ful redy was, him goodly to saluwe.