Crossword-Solution: REGNE 5 letters, 1 clue 🏆 scrabble score: 6

Ther is no regne of alle outtake, For every climat hath his diel After the tornynge of the whiel, Which blinde fortune overthroweth; Wherof the certain noman knoweth: 140 The hevene wot what is to done, Bot we that duelle under the mone Stonde in this world upon a weer, And namely bot the pouer Of hem that ben the worldes guides With good consail on alle sides Be kept upriht in such a wyse, That hate breke noght thassise Of love, which is al the chief To kepe a regne out of meschief.

And fro the ferste regne of alle Into this day, hou so befalle, 580 Of that the regnes be muable The man himself hath be coupable, Which of his propre governance Fortuneth al the worldes chance.

And thus whan thei it hadde wonne, The world of Selver was begonne And that of gold was passed oute: And in this wise it goth aboute 690 In to the Regne of Darius; And thanne it fell to Perse thus, That Alisaundre put hem under, Which wroghte of armes many a wonder, So that the Monarchie lefte With Grecs, and here astat uplefte, And Persiens gon under fote, So soffre thei that nedes mote.

Wher Rome thanne wolde assaille, Ther myhte nothing contrevaille, Bot every contre moste obeie: Tho goth the Regne of Bras aweie, 730 And comen is the world of Stiel, And stod above upon the whiel.

Division, the gospell seith, On hous upon another leith, Til that the Regne al overthrowe: And thus may every man wel knowe, 970 Division aboven alle Is thing which makth the world to falle, And evere hath do sith it began.