Crossword-Solution: LUCRECE 7 letters, 1 clue 🏆 scrabble score: 11

Ther founden thei at hom sittinge Lucrece his wif, al environed With wommen, whiche are abandoned 4810 To werche, and sche wroghte ek withal, And bad hem haste, and seith, “It schal Be for mi housebondes were, Which with his swerd and with his spere Lith at the Siege in gret desese.

And sche, which is the goode spouse, Lucrece, whan that sche him sih, With goodli chiere drowh him nyh, As sche which al honour supposeth, And him, so as sche dar, opposeth Hou it stod of hire housebonde.

And thus he broghte hire herte in doute, That lich a Lomb whanne it is sesed In wolves mouth, so was desesed Lucrece, which he naked fond: Wherof sche swounede in his hond, And, as who seith, lay ded oppressed.

Thus be thei comen bothe tuo, And Brutus cam with Collatin, Which to Lucrece was cousin, And in thei wenten alle thre To chambre, wher thei myhten se The wofulleste upon this Molde, Which wepte as sche to water scholde.

Bot Brutus, which was with hem there, Toward himself his herte kepte, And to Lucrece anon he lepte, The blodi swerd and pulleth oute, And swor the goddes al aboute That he therof schal do vengance.