Crossword-Solution: LADI 4 letters, 5 clues 🏆 scrabble score: 5

Bot, fader, this I telle in schrifte, 30 That is nowher bot in o place; For who that lese or finde grace In other stede, it mai noght grieve: Bot this ye mai riht wel believe, Toward mi ladi that I serve, Thogh that I wiste forto sterve, Min herte is full of such sotie, That I myself mai noght chastie.

Whan I the Court se of Cupide Aproche unto my ladi side 40 Of hem that lusti ben and freisshe,— Thogh it availe hem noght a reisshe, Bot only that thei ben in speche,— My sorwe is thanne noght to seche: Bot whan thei rounen in hire Ere, Than groweth al my moste fere, And namly whan thei talen longe; My sorwes thanne be so stronge Of that I se hem wel at ese, I can noght telle my desese.

Wher I miself mai noght availe To sen an other man travaile, I am riht glad if he be let; And thogh I fare noght the bet, His sorwe is to myn herte a game: Whan that I knowe it is the same 270 Which to mi ladi stant enclined, And hath his love noght termined, I am riht joifull in my thoght.

Forthi my wordes ofte I haunte Behynden hem, so as I dar, Wherof my ladi may be war: I sai what evere comth to mowthe, And worse I wolde, if that I cowthe; For whanne I come unto hir speche, Al that I may enquere and seche Of such deceipte, I telle it al, And ay the werste in special.

And natheles, the soth to telle, In certain if it so befelle That althertrewest man ybore, To chese among a thousend score, 500 Which were alfulli forto triste, Mi ladi lovede, and I it wiste, Yit rathere thanne he scholde spede, I wolde swiche tales sprede To my ladi, if that I myhte, That I scholde al his love unrihte, And therto wolde I do mi peine.