Crossword-Solution: SEIDE 5 letters, 1 clue 🏆 scrabble score: 6

And tho me thoghte that I sih A gret ston from an hull on hyh Fel doun of sodein aventure Upon the feet of this figure, 620 With which Ston al tobroke was Gold, Selver, Erthe, Stiel and Bras, That al was in to pouldre broght, And so forth torned into noght.” This was the swevene which he hadde, That Daniel anon aradde, And seide him that figure strange Betokneth how the world schal change And waxe lasse worth and lasse, Til it to noght al overpasse.

Bot sche that is the Source and Welle Of wel or wo, that schal betide To hem that loven, at that tide 150 Abod, bot forto tellen hiere Sche cast on me no goodly chiere: Thus natheles to me sche seide, “What art thou, Sone?” and I abreide Riht as a man doth out of slep, And therof tok sche riht good kep And bad me nothing ben adrad: Bot for al that I was noght glad, For I ne sawh no cause why.

This worthi Prest, this holy man To me spekende thus began, And seide: “Benedicite, Mi Sone, of the felicite Of love and ek of all the wo Thou schalt thee schrive of bothe tuo.

Bot now my wittes ben so blinde, That I ne can miselven teche.” Tho he began anon to preche, 230 And with his wordes debonaire He seide tome softe and faire: “Thi schrifte to oppose and hiere, My Sone, I am assigned hiere Be Venus the godesse above, Whos Prest I am touchende of love.

Bot, Sire, if I have in my yowthe 730 Don other wise in other place, I put me therof in your grace: For this excusen I ne schal, That I have elles overal To love and to his compaignie Be plein withoute Ypocrisie; Bot ther is on the which I serve, Althogh I may no thonk deserve, To whom yet nevere into this day I seide onlyche or ye or nay, 740 Bot if it so were in my thoght.