Crossword-Solution: INNE 4 letters, 13 clues 🏆 scrabble score: 4

With-inne the temple he wente him forth pleyinge, This Troilus, of every wight aboute, On this lady and now on that lokinge, Wher-so she were of toune, or of with-oute: 270 And up-on cas bifel, that thorugh a route His eye perced, and so depe it wente, Til on Criseyde it smoot, and ther it stente.

For every wight that hath an hous to founde 1065 Ne renneth nought the werk for to biginne With rakel hond, but he wol byde a stounde, And sende his hertes lyne out fro with-inne Alderfirst his purpos for to winne.

Out of these blake wawes for to sayle, O wind, O wind, the weder ginneth clere; For in this see the boot hath swich travayle, Of my conning, that unnethe I it stere: This see clepe I the tempestous matere 5 Of desespeyr that Troilus was inne: But now of hope the calendes biginne.

For I sey nought that she so sodeynly Yaf him hir love, but that she gan enclyne To lyke him first, and I have told yow why; 675 And after that, his manhod and his pyne Made love with-inne hir for to myne, For which, by proces and by good servyse, He gat hir love, and in no sodeyn wyse.

But Pandarus, that wel coude eche a del The olde daunce, and every poynt ther-inne, 695 Whan that he sey that alle thing was wel, He thoughte he wolde up-on his werk biginne, And gan the stewe-dore al softe un-pinne; And stille as stoon, with-outen lenger lette, By Troilus a-doun right he him sette.