Crossword-Solution: CIRCES 6 letters, 1 clue 🏆 scrabble score: 10

Tuo queenes weren in that yle Calipsa named and Circes; And whan they herde hou Uluxes Is londed ther upon the ryve, For him thei senden als so blive.

Bot that Art couthe thei noght finde, Of which Uluxes was deceived, That he ne hath hem alle weyved, And broght hem into such a rote, That upon him thei bothe assote; And thurgh the science of his art He tok of hem so wel his part, 1460 That he begat Circes with childe.

Circes toswolle bothe sides He lefte, and waiteth on the tydes, And straght thurghout the salte fom He takth his cours and comth him hom, 1470 Where as he fond Penolope; A betre wif ther mai non be, And yit ther ben ynowhe of goode.

This Circes, which I spak of late, On whom Uluxes hath begete A child, thogh he it have foryete, Whan time com, as it was wone, Sche was delivered of a Sone, Which cleped is Thelogonus.

This child, whan he was bore thus, 1620 Aboute his moder to ful age, That he can reson and langage, In good astat was drawe forth: And whan he was so mochel worth To stonden in a mannes stede, Circes his moder hath him bede That he schal to his fader go, And tolde him al togedre tho What man he was that him begat.