Crossword-Solution: BOK 3 letters, 39 clues 🏆 scrabble score: 9

Bot for men sein, and soth it is, That who that al of wisdom writ It dulleth ofte a mannes wit To him that schal it aldai rede, For thilke cause, if that ye rede, I wolde go the middel weie And wryte a bok betwen the tweie, Somwhat of lust, somewhat of lore, That of the lasse or of the more 20 Som man mai lyke of that I wryte: And for that fewe men endite In oure englissh, I thenke make A bok for Engelondes sake, The yer sextenthe of kyng Richard.

Thus I, which am a burel clerk, Purpose forto wryte a bok After the world that whilom tok Long tyme in olde daies passed: Bot for men sein it is now lassed, In worse plit than it was tho, I thenke forto touche also The world which neweth every dai, So as I can, so as I mai.

Whan the prologe is so despended, This bok schal afterward ben ended Of love, which doth many a wonder And many a wys man hath put under.

Ovide telleth in his bok Ensample touchende of mislok, And seith hou whilom ther was on, A worthi lord, which Acteon Was hote, and he was cousin nyh To him that Thebes ferst on hyh Up sette, which king Cadme hyhte.

Ther ben of suche mo than twelve, That ben noght able as of hemselve To gete love, and for Envie Upon alle othre thei aspie; 100 And for hem lacketh that thei wolde, Thei kepte that non other scholde Touchende of love his cause spede: Wherof a gret ensample I rede, Which unto this matiere acordeth, As Ovide in his bok recordeth, How Poliphemus whilom wroghte, Whan that he Galathee besoghte Of love, which he mai noght lacche.